Don vun den Heesdrefer Fuesboken

Wéi virun zwee Joer hun o 2010 déi Heesdrefer Fuesboken sich décidéiert,
een Deel vun denen Souën, déi d'Duerfleit hinnen gin hun, der ONG Le
Soleil dans la Main ze spenden. Op Fettendonnichdich hun si eis op hirt
flott Fest invitéiert, wou mir all den intresséierten Nolauschterer
erzielt hun, wéi d'Kanner an eisem Kannerheem ze Koudougou am Burkina
Faso liewen. Ee grousse Meeci de Kanner an den responsablen Erwuessenen
fir hirt Vertrauen.

Don vum Metscheeter Reitstall

Den 27. Februar 2010 wor eng Délégatioun vum Le Soleil dans la Main op
Merscheed fir een Scheck vun 1.300EUR entgéintzehuelen. Am Laaf vum
leschten Joer hun d'Kanner aus dem "Metscheeter Reitstall" zesummen mat
den Responsablen duerch verschiddenen Manifestatiounen des Souën
gesammelt, fir den Kanner am Burkina Faso ze hëllefen. Sou haten sie
d'lescht Joer Fuesend eng kleng Fuesparty organiseiert mat Spiller,
Tombola an Verkleedung, hun sech am Summer um "Heischter Maart" aktiv
engageiert, an duerch d'Ubidden vun Pony-Reiden Suen gesammelt. Am
Dezember kumm dunn och den Kleeschen op Besuch an hat den Kanner
Tiiterecher matbruecht.
D'Lena Kneip aus dem Reitstall hut d'Leit begréisst an erklärt, wéi
d'Kanner gehollefen hun, fir Geld ze sammelen. D'Vertrieder vun der ONG
hun hir Projetën virgestallt, déi si aktuell am Burkina Faso duerchféieren.
Ee grousse Merci alle Leit, déi gehollefen hu, dat des Somme zesummen koum.